काठमाडाैं महानगरपालिकाकी वरिष्ठ कानुन अधिकृत हरिमाया घिमिरे (सस्मिता)ले मेयर बालेन्द्र शाह बालेनविरुद्ध कानुनी र पेसागत लडाइँ लड्ने घाेषणा गरेकी छन् । 

मेयर शाहले अनावश्यक टर्चर दिएको र बिनाकारण जिम्मेवारीविहीन बनाएको भन्दै उनले कानुनी र पेसागत लडाइँ सुरु भएकाे घाेषणा सामाजिक सञ्जालबाट गरेकी हुन् । 

उनले बिनाकारण आफूलाई जिम्मेवारीविहीन बनाएर राखिएको र कार्यालयमा जाँदा बस्ने कुर्सीसमेत नदिइएको आरोप लगाएकी छन् । घिमिरेले आफू क्यान्सर सर्भाइभर रहेको र लोक सेवा पास गरेको राष्ट्रसेवक कर्मचारीलाई जिम्मेवारीविहीन बनाएर करार कर्मचारीमा अनियमित ढंगले पैसा खर्च गरेको आराेप पनि लगाएकी छन् । 

उनले आफूलाई जिम्मेवारी अनुसारकाे काम दिन आग्रह गर्दा तलब खाएर टिकटक चलाएर बस्न भनिएकाे आराेप पनि लगाएकी छन् । आराेपबारे मेयर बालेनका तर्फबाट अहिलेसम्म कुनै प्रतिक्रिया सार्वजनिक भएकाे छैन ।